Cabrales gana relevancia como puerta d'accesu a Los Picos d'Europa

La estacionalidá esixe adoptar dalgunes midíes, defenden dende'l consistoriu

Cabrales, con 423.951 persones, un 5,28% más que nel mesmu periodu de 2023, foi l’únicu accesu al Parque Nacional de Los Picos d’Europa que ganó visitantes ente xineru y ochobre del añu pasáu, 10 meses nos qu’esti espaciu protexíu sumó 1.491.139 visites.

Los visitantes llegaron, sobre manera, nel branu. La estacionalidá esixe adoptar dalgunes midíes, defenden dende’l consistoriu cabraliegu.

Los Llagos de Cuadonga, a pesar d’una baxada del 10,97%, caltiénse como’l llugar más visitáu del Parque Nacional de Los Picos d’Europa, con 444.847 visitantes de xineru a ochobre de 2024. Nes vertientes lleonesa y cántabra, con 194.440 y 427.901 visites en Valdeón y Fuente Dé, esos datos supunxeron mengües del 1,79 y del 9,33% respectivamente.