Concentración ganadera escontra la xestión de Mediu Rural de los casos de tuberculosis en Tinéu

Los ganaderos van pidir la paralización de les midíes escepcionales nes esplotaciones ganaderes de la zona

Los ganaderos de Tinéu van concentrase mañana a les 13:00 frente a la Conseyería de Mediu Rural pa protestar escontra la xestión que dende esi departamentu ta faciéndose colos casos de tuberculosis bovina qu'apaecieron nel conceyu.

Va pidise la paralización de les midíes escepcionales nes esplotaciones ganaderes de la zona. Ente elles, dicen, ta la imposición d'un protocolu pa flexibilizar la detección de la enfermedá, lo que podría suponer, afiten, que se sacrifiquen animales ensin confirmar si son positivos.