El Principáu va impulsar en febreru y marzu un plan pa garrar 15 tonelaes d'oricios

Un total de 89 mariscadores van poder garrar 15.000 quilos ente l'Eo y Llastres nos meses de febreru y marzu

La Conseyería de Mediu Rural y Política Agraria va poner en marcha nos meses de febreru y marzu un nuevu plan esperimental pa la esplotación del oriciu, que va dexar a 89 mariscadores garrar un máximu de 15 kilogramos per día, con un cupu total de 15 tonelaes.

El conseyeru de Mediu Rural y Política Agraria, Marcelino Marcos, axuntóse esti miércoles coles cofradíes asturianes pa presenta-yos esti plan, que se va desenvolver los díes con marees inferiores a 70 centímetros y que namás va dexar garrar exemplares que tengan, polo menos, 55 milímetros de diámetru.

Pa exercer el control de les estracciones, cada cofradía va cuntar con un guardapesca acreitáu que se va encargar del pesaxe diariu y de la tresmisión de datos al Centru d'Esperimentación Pesquera.