El Principáu quier declarar delles zones tensionaes enantes de final d'añu

L'Arena y Cimavilla sedrán les primeres zones tensionaes d'Asturies

Enantes de qu’acabe l’añu L’Arena y Cimavilla sedrán declaraes zones tensionaes. Ye l’oxetivu que se marca’l Principáu pa poner llende a la medría del preciu de la vivienda en Xixón, dixo Ovidio Zapico, conseyeru d’Ordenación de Territoriu, Urbanismu Vivienda y Derechos Ciudadanos.

Nos dos barrios el preciu del alquiler supera los 10 euros per metru cuadráu. Una cifra desorbitada pal conseyeru, qu’anticipa qu’esta declaración dexará dar rempuesta a otros problemes como la medría de viviendes d’usu turísticu.

Enantes fadrá falta facer enantes un estudiu qu’afite los problemes específicos de cada barriu y les sos posibles soluciones. Pa los vecinos esta midida camina na dirección afayadiza y reclamen la collaboración de toles alministraciones espliquen María José Cuervo, presidenta de l’asociación vecinal de L’Arena, y Sergio Álvarez, presidente de l’asociación vecinal Gigia.

L’Arena y Cimavilla sedrán d’esta manera les primeres zones tensionaes d’Asturies, anque la intención de la conseyería ye aplicar esta midida n’otres poblaciones.