Mieres y L.lena piden al nuevu presidente de Renfe paraes del primer y últimu AVE del día

Los dos rexidores tán a la espera d'una xunta col Ministeriu de Tresportes y l'antiguu director de Renfe pa tratar esti asuntu

L'alcalde de Mieres, Manuel Ángel Álvarez, treslladó al nuevu presidente de Renfe, Álvaro Fernández, el pidimientu de que'l primer y últimu tren d'alta velocidá diariu ente Asturies y Madrid faiga parada nes cuenques mineres y pidió axuntase con él p’abordar esta cuestión.

El primer edil, que felicitó al nuevu presidente de Renfe pol so nomamientu, apurrió-y tola información sobre esta propuesta, y pidió-y una xunta p’abordar tanto esta cuestión como otres demandes “esistentes" nel conceyu.

Ye una reivindicación que'l rexidor lleva meses defendiendo y que, a pesar de que "cunta con un importante sofitu institucional y social", hasta la fecha nun foi atendida pola empresa pública de tresportes, según esplicó'l Consistoriu nun comunicáu.