La plantiya d'Idonial pide una xunta estraordinaria del patronatu de la fundación

Güei secundaron la cuarta y última xornada de fuelga

Protesta de los trabayadores d’Idonial a la entrada d’ArcelorMittal en Tresona onde cortaron l'accesu. La siderúrxica preside'l patronatu de la fundación.

La plantiya nun refuga medrar les sos movilizaciones. Güei secundaron la cuarta y última xornada de fuelga pola negativa del patronatu al contratu programa de nueve millones d'euros del Principáu.

La xunta prevista na Conseyería de Ciencia ta pendiente de nueva fecha tres la baxa del conseyeru Borja Sánchez. Los trabayadores piden la convocatoria d'una xunta estraordinaria del patronatu.