Llangréu aprueba un presupuestu de 34,5 millones d'euros con un alcuerdu IX-PSOE

Les cuentes destinen el mayor montante, 18 millones, a gastos de personal y 407.000 euros a inversiones

Esta firma supón sumar 12 conceyales, 8 del equipu de gobiernu d'IX y 4 del PSOE, y sacar alantre un presupuestu de 34,5 millones pa 2025 señalen Roberto García, alcalde de Llangréu; y Javier Castro, voceru del PSOE de Llangréu.

Les cuentes destinen el mayor montante, 18 millones, a gastos de personal y 407.000 euros a inversiones. La mayoría destinaes a la finalización d'actuaciones entamaes l'añu anterior, yá con aportaciones socialistes tamién. El restu de grupos, que nun van sofitar les cuentes, nun formaron parte de la negociación detallen María Antonia García, vocera del PP de Llangréu; Daniel Martínez, voceru de Vox en Llangréu; y Pamela Álvarez, conceyala non adscrita de Llangréu.

L'alcuerdu inclúi amás un Fondu de Continxencia de 900.000 euros, suxetu a los Presupuestos Xenerales del Estáu.