La nueva executiva de la FSA va ser más numberosa, con presencia del Gobiernu y mayor pesu de l'agrupación de Xixón

La diputada Dolores Carcedo confírmase como nueva vicesecretaria del partíu

A les 23:00 acaba'l plazu pa la presentación de candidatures a los órganos autonómicu y federal. Unes candidatures que los militantes socialistes van votar mañana de 10:00 a 11:30. Les resultancies van proclamase a les 12:00.

La clave ta en quién van acompañar na dirección de la FSA a Adrián Barbón, qu'anueva per tercer vegada como secretariu xeneral. Yá trescendió que'l diputáu Luis Ramón Huerga, de la Federación d'Avilés, va sustituyir a la ex-conseyera Rita Camblor al mandu de la Vicesecretaría d'Organización. Esto ye, va encargase de los asuntos internos del partíu.

La delegada del Gobiernu, Adriana Lastra, va siguir como vicesecretaria d'Acción Política y Institucional: el nexu ente partíu y Executivos autonómicu y nacional.

La vocera del PSOE na Xunta, Dolores Carcedo, incorpórase con una nueva Vicesecretaría de Política Autonómica. Y la otra gran novedá va ser la incorporación d'un miembru del Gobiernu. El voceru y conseyeru de Facienda, Guillermo Peláez, sustitúi a Juan Cofiño nuna de les Secretaríes Executives. Na otra va siguir el secretariu xeneral del Soma, José Lusi Alperi.

L'actual Executiva cuenta con 30 puestos. Agora, crez y la composición tien de responder a criterios de paridá y a equilibrios ente les agrupaciones territoriales.

Esti 34 Congresu tamién va sirvir p'actualizar los Estatutos y sentar les bases del próximu programa electoral. Na FSA reconocen que tán esmolecíos pola perda d'alcaldíes. Perdieron Xixón, siguen ensin Uviéu y nun llograron recuperar L.lena o Llanes.

Les de Llanes y Xixón, la más grande son, precisamente, les dos agrupaciones más contestataries, onde esisten más diverxencies cola directiva de la FSA.

Ta por ver si Barbón garra nesta ocasión el mayoritariu sofitu, el 97% de los delegaos, que recibió nel últimu Congresu en mayu de 2022.