Más de 3.000 estudiantes MIR Asturies van presentase a los esámenes

Un total de 9.007 places de médicos, un 3% más qu'en 2024

Más de 3.000 estudiantes de l'Academia MIR Asturies preséntense'l próximu fin de selmana a los esámenes. Esti ye'l postrer simulacru que se fixo güei nel Campus d'El Cristo, una de les tres sedes onde a partir del sábadu van facese les pruebes.

Uviéu ye una de les 28 ciudaes onde se van celebrar los test p'aportar a la formación sanitaria especializada. Anguaño hai daqué más de 9.000 places MIR: un 3% más qu'en 2024.

Güei estos futuros profesionales de la sanidá pública aseguraron, enantes del esame, qu’anden ente los nervios y l'allegría de ver consiguíu'l so suañu. Estes últimes selmanes repasen toles asignatures. Aseguren que la estratexa énte l'exame MIR ye saber xestionar el tiempu.

L'oxetivu del Ministeriu ye que nun haya places vacantes. Asturies ye una de les comunidaes con places ermes. Por ello anguaño va desaniciase la nota de corte que s'establecía col 10% de les meyores notes.

Otra posible novedá ye qu'una vegada superáu'l MIR escoyer especialidá n'abril nun se faiga solo de forma telemática.