Convertir El Cerro Santa Catalina nun atractivu turísticu más allá de L'Eloxu del Horizonte

Les obres de recuperación de la batería alta y del abellugu antiaereu de Cimavilla empiecen esti mes

Convertir El Cerro Santa Catalina nun atractivu turísticu más allá de L’Eloxu del Horizonte y recuperar una parte del patrimoniu y de la memoria histórica de Xixón. Esi ye l'oxetivu del proyectu de recuperación de la batería alta y del abellugu antiaereu de Cimavilla. Les obres van empezar esti mes. Ta previsto qu'en 2026 s’inaugure’l conxuntu de les actuaciones.

Un total de 800.000 euros ye la inversión prevista pa un proyectu qu'inclúi la construcción d'un centru d'interpretación. Va asemeyar la forma d'un búnker y va cuntar con una zona de recepción de visitantes y un pequeñu muséu.

La so construcción va dir en paralelo a los trabayos d’impermeabilización d'estes estructures militares y de recuperación parcial de les bateríes d’El Cabu San Llorienzo.

La llicitación pa dotar al nuevu centru de conteníos museográficos tamién ta en marcha. Quier inaugurase a entamos de 2026.

Les actuaciones complétense cola reapertura del abellugu antiaereu de Cimavilla.

Nel próximu mes y, tres la restauración de los sos cañones, va inaugurase'l conxuntu de les actuaciones feches pa la recuperación de la batería baxa de Cimavilla.