Un estudiu afita l'espardimientu territorial y la medría de llobos nel noroeste

Ecoloxistes piden que "se persiga a los responsables" de la muerte de dos llobos en Ponga

El Gobiernu d’Asturies fizo, en collaboración colos Executivos de Galicia, Cantabria y Castiella y Lleón, un estudiu qu’afita l’espardimientu territorial y la medría de contino de llobos nel noroeste.

Según informó’l Gobiernu del Principáu, esti trabayu a comuña persigue que la situación de la especie n’España vuelva a considerase favoratible de cara a la fechura del informe sexenal 2019-2024.

Ecoloxistes piden que "se persiga a los responsables" de la muerte de dos llobos en Ponga

La Coordinadora Ecoloxista d’Asturies pidió esti domingu que se "persiga a los responsables" de la muerte de dos llobos nel conceyu de Ponga y que se ponga fin "a la impunidá d’estos delitos".

Nun comunicáu, el colectivu conservacionista señaló que denunció estos fechos énte la Fiscalía y que los axentes del Mediu Natural y del Seprona yá tán investigando.