El Llano, en Xixón; Les Meanes n'Avilés; Llugones en Siero y Llanes, son zones tensionaes

Llanes tien el preciu del metru cuadráu más caru por un valir de 12 euros

L'estudiu fechu pol Principáu, recueye amás otres zones tensionaes na rexón. En Xixón, por exemplu’l centru y este de la ciudá, y el barriu d’El Llano. El preciu mediu del arriendu na zona centru ye de 822 euros al mes.

N'Avilés, El Quirinal, Les Meanes y Sabugo son los barrios colos precios más altos. Un arriendu mediu en Les Meanes ta en 729 euros mensuales. Otros conceyos tensionaos, con arriendos que superen el 30 por cientu de la renta, son Llugones, en Siero; el cascu urbanu de Llanes, Ribeseya o Cuideiru.

Si miramos el preciu del metru cuadráu, Llanes tien el más caru, con 12 euros per metru cuadráu, y en Llugones ta en cuasi 11,9 euros el metru cuadráu.