Ribeseya va tener autobuses llanzadera pa conectar la villa poles obres de la ponte

Los vecinos de Ribeseya protesten pol zarru total de la ponte de la capital del conceyu quince selmanes de la próxima seronda

Les obres d'arreglu y ampliación de la ponte de Ribeseya van obligar a cerrar esta infraestructura quince selmanes ente setiembre y avientu, periodu nel que se va habitar un plan especial de movilidá con autobuses llanzadera pa xunir dambes partes de la villa pa causar el "mínimu trestornu posible".

Asina lo esplicó esti llunes la delegada del Gobiernu n'Asturies, Adriana Lastra, que presentó les midíes programaes xunto al conseyeru de Fomentu, Alejandro Calvo.

Lastra señaló qu'en marzu van empezar les obres de micropilotaxe pa reforzar la cimentación -que va obligar al corte d'una carril de circulación de la ponte-, que se van suspender nel periodu de Selmana Santa y van acabar nel mes de xunetu.