Urbanismu considera qu'El Cristo, Centru, Antiguu y Montecerrao son barrios tensionaos

La Conseyería trabaya na entrega de los terrenos que'l Consistoriu va ceder al Principáu pa la construcción de polo menos 300 viviendes d'arriendu algamadizu

La Conseyería d'Ordenación de Territoriu, Urbanismu, Vivienda y Derechos Ciudadanos apurrió esti llunes al Conceyu d'Uviéu un informe nel que se considera que la zona centru, l'Antiguu, Montecerrao y El Cristo son árees susceptibles de ser declaraes zones tensionaes según el baremu de la Llei de Vivienda.

L'informe foi treslladáu esti llunes pol conseyeru, Ovidio Zapico, al alcalde d'Uviéu, Alfredo Canteli, qu'aseguró en declaraciones a los medios que’l so equipu va “estudialu” y que se va faer “lo qu'haya que faer”.

Sicasí, consideró qu'entá ye bien llueu pa tomar una “decisión rigurosa” como la declaración como zones d'arriendu tensionáu de los barrios encamentaos pol documentu.