Xixón nun va prorrogar la suspensión de nueves llicencies de pisos turísticos en L'Arena y Cimavilla

El conceyu considera que la entrada a valir de la llei del Principáu que les regula yá punxo cotu a l'abondancia d'esi tipu d'agospiamientos

Xixón da por atayáu'l problema de la concesión de nueves llicencies pa viviendes turístiques. Nel últimu trimestre concediéronse otres 15, pero toes elles primero qu'entrara la nueva Llei de Turismu apunta Jesús Martínez Salvador, conceyal de Turismu del Conceyu de Xixón.

La moratoria que paraliza la concesión de llicencies nos barrios de mayor turistes acaba en febreru. El Consistoriu, de la mano de la nueva llei, nun refuga usar una figura introducida pola nuevu llei pa controlar les viviendes d'usu turísticu que yá operen nestos barrios. Ye la declaración de zones turístiques protexíes, señalen Lara Martínez, viceconseyera de Turismu del Principáu; y Martínez Salvador.

La declaración d'estes zones protexíes dexaría al Conceyu afitar ciertes llendes a esti tipu de negocios, n'árees nes que la so abondancia provoque desequilibrios na ufierta y demanda de viviendes.