CCOO insiste na necesidá de fortalecer l'atención primaria y la salú mental n'Asturies

Salú atribuye a l'alta vacunación que l'impactu del gripe nun fuere "tan violentu"

La conseyera de Salú, Concepción Saavedra, señaló esti martes que l’impactu del gripe n’Asturies foi "importante, pero non tan violentu como otros años", lo qu’atribuyó a les "altes" cifres de vacunación n’Asturies.

En declaraciones a los periodistes, dempués de tener una xunta col secretariu xeneral de CCOO n’Asturies, José Manuel Zapico, la titular de Salú esplicó que’l comportamientu del virus foi "diferente dafechu a otros años", porque hubo una "xubida muncho más lenta que n’otres comunidaes".

La so incidencia ye "importante", pero "non tan violenta" como n’exercicios pasaos, y comentó que nun hai confirmaciones de si se llegó yá al picu de contaxaos.