Educación sacará a oposición 770 places de Secundaria esti añu

El borrador inxerta valorar más al asturianu

La Conseyería d’Educación medró hasta 770 places de 51 especialidaes la convocatoria d’esti añu del concursu-oposición ordinariu pa la reposición de profesoráu de Secundaria y otros cuerpos.

Esta medría –de 29 places y tres especialidaes sobre la cifra inicial– vien del inxerimientu d’una parte de la ufierta de trabayu públicu de 2024, que se xune a les de 2022 y 2023, pendientes d’execución, informa la conseyería.

La Dirección Xeneral de Personal Docente unvió güei a les organizaciones sindicales otru borrador de resolución del procesu selectivu, nel que se recueyen, amás d’inxertar estes nueves places, dalgunos pidimientos venceyaos colos baremos que los propios sindicatos plantegaren nes xuntes d’avientu.