Ribeseya pide un pasu pa los coches mientres duren les obres de la ponte

Los principales grupos de la oposición creen que les tres alministraciones tienen que proponer más soluciones pa minimizar les molestias a los ribeseyanos

L’alcalde de Ribeseya aseguró que s’enteró pelos medidos de comunicación del plan especial pa salvar la ponte de la capital ribeseyana, polo que volvió a reclamar a los responsables de les obres un pasu alternativu pa los vehículos a los dos llaos de la ría apunta Paulo García, alcalde de Ribeseya.

Los principales grupos de la oposición señalaron que’l plan especial ye un primer pasu, pero creen que les tres alministraciones tienen que proponer más soluciones pa minimizar les molesties a los ribeseyanos cuando corten el tráficu pela ponte de Ribeseya destaquen Luis Fuentes, voceru d’Impulsa Ribeseya; Ramón Canal, voceru del PSOE de Ribeseya; y Ricardo Canga, voceru de Pueblu Ribeseya.

L’alcalde de Ribeseya tamién reclamó que’l proyectu inxerte una carril bici a los dos llaos de la ponte y un paséu soterrañu, mientres que los voceros de la oposición tán d’alcuerdu cola última modificación, na que la carril pa los ciclistes va a un llau de la ponte ribeseyana.