Trabayadores del ERA piden equiparar les sos condiciones a les del Sespa

Conseyería y sindicatos crearán una comisión negociadora p'abordar meyores nel ERA

La presidenta del Comité d’Empresa d’Establecimientos Residenciales pa Mayores (ERA poles sos sigles en castellanu), Belén Ordiz, dio anuncia esti miércoles de que la conseyera de Derechos Sociales y Bienestar, Marta del Arco, accedió a aconceyar mañana colos sindicatos pa formar una comisión negociadora na que s’abordarán les reivindicaciones de los sindicatos.

Del Arco accedió a la xunta -na que tamién participará la xerente del organismu autónomu, Nerea Monroy- dempués de qu’unos cien trabayadores lideraos por CSIF y otros sindicatos protagonizaren un enzarru de más d’una hora na sede de la xerencia del organismu esta mañana, dempués d’una concentración qu’entamó a les puertes de la Conseyería.

Nel alcuentru, que sedrá mañana xueves a les 11:00 de la mañana, tamién tarán presentes tolos sindicatos con representación nel Comité d’Empresa, según informó Ordiz, qu’amás de presidenta d’esti, ye representante del sindicatu mayoritariu, CSIF.