Una vecina de Cangues d'Onís gana la batalla xudicial escontra Unicaxa

La entidá tien que faese cargu de los costos y anular un creitu al so nome de cuasi 30.000 euros

En Cangues d'Onís, una muyer consiguió probar que foi estafada nel añu 2022 na migración informática de Liberbank a Unicaxa. La entidá financiera tien que faese agora cargu de los costos y anular un creitu al so nome de cuasi 30.000 euros.

Mariam Fernández ye una de les afectaes poles más de 500 estafes que se dieron n'Asturies na migración informática de Liberbank a Unicaxa nel añu 2022. Tres trés años de llucha, esta vecina de Cangues d'Onís ganó la batalla xudicial escontra la entidá financiera.

N'abril de 2022, pidióse un préstamu al so nome de 27.500 euros. Col dineru, ficiéronse delles compres y dos pagos de Bizum.

La entidá financiera, inclusive con una sentencia firme na so contra que prueba qu'ella nun pidió esa cantidá de dineru, sigue reclamándo-y les mensualidaes del creitu.

Anque Unicaxa tien que faese cargu de tolos gastos causaos, pa Mariam hai coses que nun se paguen con dineru.

Tres la victoria de Marian nos tribunales, queden entá por resolvese n'Asturies más de 400 causes asemeyaes.