Asturies amósase como destín en Fitur 2025

Adrián Barbón: "Tenemos que facer d'Asturies una marca de calidá reconocible en toa Europa"

El presidente d’Asturies, Adrián Barbón, defendió esti xueves dientro de la feria internacional de Fitur la capacidá de la so comunidá de conciliar turismu y respetu y reclamó la necesidá d’alloñase de cualquier tipu de turismufobia.

"Tenemos que facer d’Asturies una marca de calidá reconocible en toa Europa, un llugar onde sabemos conciliar el turismu col mou de vida y el respetu total al nuestru patrimoniu natural y cultural y asina daremos un portazu a la turismufobia, que nun podemos consentinos nin como mal suañu", apuntó nun actu na feria.

Barbón participó nes actividaes por mor del día de la comunidá na feria y destacó que les dos principales llinies de trabayu esti añu en términos turísticos son fortalecer l’impulsu al turismu rural y sacar tol partíu al reconocimientu de la cultura sidrera como patrimoniu de la humanidá.