Declaración institucional del Ayuntamientu de Tinéu col votu a la escontra del PSOE

Sofitu al sector primariu del conceyu por mor de la crisis de la tuberculosis bovina

El plenu del Ayuntamientu de Tinéu aprobó esta mañana una declaración institucional en defensa del sector primariu del conceyu por mor de la problemática pola crisis de la tuberculosis bovina.

Alcuerdu nel fondu, pero non en dalgunos de los puntos de la declaración. El PSOE pidía camudar dellos aspectos nel testu, como’l pidimientu de recuperar el protocolu de flexibilización afitáu dempués de ser declarada Asturies zona llibre de tuberculosis o esixir que l’importe polos animales sacrificaos tenga qu’abonase esi mesmu día.

Les diferencies nestos puntos y la negativa del equipu de Gobiernu a camudar el testu derivó nun acaloráu debate ente l’alcaldesa popular, Montse Fernández, y el voceru socialista, José Ramón Feito, sobre la falta d’información y tresparencia del Principáu a la hora de camudar los protocolos pa frenar la tuberculosis.

A la fin, nun hubo unanimidá y la declaración institucional salió alantre colos votos a favor del equipu de gobiernu de PP y Vox, amás d’Izquierda Xunida, y a la escontra del Partido Socialista.