Xixón va acoyer en febreru unes xornaes d'epigrafía romana sobre la Fortuna Balnearia

Una de les claves pa entender el pasáu romanu del conceyu

La singularidá de la Fortuna Balnearia va ser analizada por espertos n'epigrafía romana nunes xornaes los díes 6 y 7 de febreru na antigua Escuela de Comerciu.

Autoridaes académiques como Carmen Fernández Ochoa o Rosa María Cid formen parte de la nómina d'investigadores que van estudiar la inscripción y la divinidá a la que se refier.

Una de les claves pa conocer el pasáu romanu del conceyu. Esta pieza lleva siete meses nel Muséu de les Termes Romanes de Xixón.