Este navegador no soporta vídeos.
El Gobiernu del Principáu decidió rescindir unillateralmente’l contratu cola Unión Temporal de Empresas (UTE) axudicataria de l’ampliación y reforma del Hospital Universitariu de Cabueñes polos retrasos qu’acumulen les obres, entamaes n’agostu de 2022.
Agora, el personal técnico de la Conseyería de Salú tien que ponese a trabayar na redacción d’un nuevu proyectu d’obres qu’inxertará la parte de l’ampliación afitada nel contratu cola UTE qu’entá nun se fizo.
Amás, esi proyectu inxertará tamién delles meyores n’innovación y la determinación de los procesos señalaos nel documentu anterior como zones grises -espacios pendientes de facer hasta la definición de les sos funciones- como son les árees de llaboratoriu, farmacia, esterilización y hemodiálisis.
Salú quier definir esi proyectu "nel menor tiempu posible pa sacalu a llicitación darréu, nesti mesmu añu".
© 2025 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | RSS | Sobre RTPA | Entidad adherida a AUTOCONTROL