Sánchez pedalia pelos 'Senderos del Carbón' na so visita al stand del Principáu en Fitur

Barbón confía na capacidá del presidente del Gobiernu pa faer frente a los problemes

A pesar del revés sufríu nel Congresu, el presidente del Principáu dixo en Fitur que confía en que'l gobiernu central puea siguir sacando midíes alantre y confió na capacidá de Sánchez pa encarar faer frente a los problemes.

El presidente del Gobiernu pedalió per una de les rutes ciclistes que promociona Asturies en Fitur. En concreto, viaxó unos minutos pela que se conoz como Senderos del Carbón.

Pedro Sánchez visitó l’estand del Principáu y conoció de primer mano la ufierta turística d'Asturies col reclamu de la cultura sidrera asturiana como patrimoniu inmaterial.

Enantes de la so entrada al recintu, Sánchez anunció 500 millones d'euros pal caltenimientu y dinamización de los bienes patrimoniu nacional.

El presidente emponderó'l papel d'España como líder turísticu, un sector en puxu qu’esplica l'actual crecedera económica del país, y apueste por una medría de visitantes sostenible.

El Conceyu presenta la so nueva marca gastronómica 'Xixón con gustu'

El Conceyu de Xixón presentó oficialmente esti vienres 'Xixón con gustu', una nueva marca qu'unifica tola so ufierta culinaria baxo una estratexa común.

La presentación tuvo llugar nel Pabellón d'Asturies en Fitur, cola presencia de la vicealcaldesa y conceyala d'Economía, Empléu, Turismu y Innovación, Ángela Pumariega, y el presidente de Divertia, Óliver Suárez.

"Xixón con gustu" tien como oxetivu axuntar los numberosos productos y eventos gastronómicos de la ciudá, optimizando la so promoción y aumentando l'impactu colectivu.

So esta marca intégrense iniciatives de Visita Xixón y Divertia, xunto con collaboraciones d'actores locales y empreses del sector. Toa esa información recoyóse na páxina web específica, www.gijoncongusto.es

En palabres d'Ángela Pumariega, la nueva marca turística "ye un pasu estratéxicu clave pa la ciudá", yá que refuerza la conexón "ente la so identidá gastronómica y el so atractivu turísticu".

La marca va sirvir como paragües pa eventos consolidaos y nueves propuestes, como Xixón de Pinchos, la Fiesta de la Sidra Natural o Paséu Gastro.

Amás de les xornaes y eventos, "Xixón con gustu" inclúi una serie de productos turísticos destacaos, que puen mercase a lo llargo de tol añu nes oficines d'información turística Infoxixón o en www.reservagijon.es:

Tamién va incluyir acciones promocionales a nivel rexonal y nacional tol añu.

Ente les iniciatives previstes destaquen presentaciones en ciudaes clave como Madrid y Barcelona, collaboraciones con chefs y embaxadores locales y campañes de publicidá a nivel rexonal y nacional.