Interrumpíu'l tráficu ferroviariu ente Nava y Llanes pola cayida d'árboles

Asturies ta güei n'avisu mariellu o naranxa pola llegada de la borrasca Herminia

La cayida d’árboles en dellos puntos del ferrocarril que xune Uviéu y Santander obligó a cortar el tráficu y afitar planes alternativos de tresporte per carretera n’estaciones asitiaes ente Nava y Llanes, según la información apurrida dende Renfe y Adif.

Dende les 10:35 ta suspendida la circulación ente Nava y Llanes por mor de la cayida d’árboles na vía en dellos puntos pol temporal de vientu qu’azota esti domingu Asturies.

A les 10:35 el tren de media distancia que facía’l trayectu ente Uviéu y Santander viose tamién obligáu a parar ente Ribeseya y Llanes por culpa de qu’un árbol cayíu taba cortando la vía.