Miles de persones manifiéstense en Xixón pa sofitar al pueblu palestín

Los manifestantes piden qu'Europa pongan fin al comerciu d'armes con Israel y denuncien que l'altu'l fueu nun ye abondo

Cuando se cumple una selmana de tregua güei, en Xixón, miles de persones manifestáronse p'amosar el so sofitu al pueblu palestín.

Sol lema 'L'altu al fueu nun ye verdá', los manifestantes, convocaos pola plataforma Asturies con Palestina, salieron a les 12:30 de la plaza de L’Humedal y caminaron hasta los Xardinos del Náutico. Ficiéronlo pa esixir midíes concretes escontra'l bloquéu y el xenocidiu na Franxa de Gaza, y escontra la ocupación del territoriu palestín.

Los manifestantes tamién piden qu'Europa ponga fin al comerciu d'armes con Israel y denuncien que l'altu’l fueu nun ye abondo.