Este navegador no soporta vídeos.
La vocera de Vox na Xunta Xeneral, Carolina López, pide al Principáu que dexe de tar en campaña electoral y xestione.
Nuna entrevista en TPA Noticies Matinal, López califica de chapuza la paralización de les obres de remodelación y ampliación del Hospital de Cabueñes, unes obres que "son necesaries" y fala de desgobiernu.
Esta selmana habrá un plenu estraordinariu na Xunta Xeneral del Principáu pa falar de la situación de la tuberculosis bovina en Tinéu, nel que Vox nun espera que’l Principáu presente dalguna solución nueva. Carolina López pide que s’escuche a los ganaderos.
A dos años de les elecciones, Vox mira al presente y pide escuchar les necesidaes de los asturianos.
Per otru llau, Carolina López pide al Gobiernu que dea un golpe enriba la mesa pa garantizar el futuru d’Arcelor n’Asturies y confirma que sofitaríen una moción de censura escontra Pedro Sánchez, anque suponga votar con Junts porque, diz López, beneficiaría a tolos españoles.
© 2025 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | RSS | Sobre RTPA | Entidad adherida a AUTOCONTROL