Este navegador no soporta vídeos.
La Policía Nacional afita que les más de les fugues de los centros de menores tán venceyaes col fin de selmana y tienen un componente llúdicu, polo que trabayen pa meyorar los protocolos de coordinación colos centros.
Meyorar los protocolos de violencia de xéneru y la coordinación colos centros de menores pa evitar fugues son otres de les prioridaes que se marca la Policía n’Asturies, asegura Jorge Ignacio Moreno, xefe cimeru de Policía d’Asturies.
Medrar la formación de los policíes, meyorar la coordinación con Guardia Civil y la Policía Local, y actualizar les instalaciones de Buenavista son otres de les prioridaes.
Considera Jorge Ignacio Moreno qu’esa reforma del cuartel ye fundamental y prioritaria y poro, inxertáronla yá nel plan director d’infraestructures. L’oxetivu ye que Buenavista agospie toles especialidaes.
Declaraciones del xefe cimeru de Policía d’Asturies na celebración de los 201 años de la creación de la Policía Nacional. Un actu nel que se volvió a destacar qu’Asturies siga ente les comunidaes más segures d’España.
© 2025 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | RSS | Sobre RTPA | Entidad adherida a AUTOCONTROL