Radiotelevisión del Principáu d'Asturies Radiotelevisión del Principado de Asturias
Radiotelevisión del Principado de Asturias
Fuente: RTPA, 27 de xineru. 2025 20:56

UXT y CCOO llamen a movilizase escontra'l bloquéu de les midíes sociales

Este navegador no soporta vídeos.

La protesta sedrá'l domingu a les 12:00 en La Plaza Mayor de Xixón

Los sindicatos UXT y CCOO llamaron a la ciudadanía a participar esti domingu nuna concentración en La Plaza Mayor de Xixón pa condenar el bloquéu de PP, Vox y Junts a midíes sociales como la bonificación del tresporte o la revalorización de les pensiones.

La protesta, que sedrá a les 12:00 y que se replicará nel restu d’España, foi presentada esti llunes en rueda de prensa polos secretarios xenerales d’UXT y CCOO, Javier Fernández Lanero y José Manuel Zapico, respectivamente.

"El parllamentu convirtióse nun ring de boxéu, onde namás hai insultos, menosprecios y ataques personales. Nun se pue utilizar pa intereses partidistes", denunció Lanero, que llamentó que les midíes qu’inxertaba’l llamáu decretu "ómnibus", que decayeron la selmana pasada nel Congresu, yeren cuestiones "fundamentales pa la meyora" de les condiciones de vida.

© 2025 Radiotelevisión del Principado de Asturias | Todos los derechos reservados

Publicidad | Aviso Legal | Política de privacidad | Política de cookies | RSS | Sobre RTPA | Entidad adherida a AUTOCONTROL