Uviéu estudiará la colocación de badenes o un 'fotocoloráu' na cai Hermanos Pidal

Búscase que los vehículos circulen a la velocidá correcta y impedir qu'aceleren

L’Ayuntamientu de Uviéu tomará midíes pa controlar la velocidá na cai Hermanos Pidal, la vía per onde circulaba’l conductor que’l vienres pasáu atropelló a tres adolescentes.

La conceyalía de Seguridá Ciudadana baraxa dos posibilidaes: la colocación de badenes o la instalación d’un 'fotocoloráu'.

Too ello p’asegurar que los vehículos circulen a la velocidá correcta que marca la vía y pa impedir qu’aceleren pa que nun los pille en coloráu’l semáforu asitiáu nel cruce con Padre Vinjoy, llugar onde foi l’atropellu.

Esta ye la causa del sucesu de va tres díes que s’apunta nel informe policial y que s’unvió ayeri al xulgáu.