Este navegador no soporta vídeos.
Asturies sigue baxo los efectos d’un temporal que nes últimes hores provocó estrozos nún de los diques d’abrigu del cai de L.luarca. Foi nel espigón que protexe les playes primera y segunda de la capital valdesana.
Les foles estrozaron dellos metros de formigón, dexando la entrada d’agua. Ye un dique que taba estropiáu y va nueve años, sufrió desperfectos dempués d’otru temporal. L’Ayuntamientu de Valdés yá comunicó a la conseyería d’Infraestructures los estrozos pa que se puea facer cargu d’ellos lo más rápido posible.
El vientu causa estrozos nel campu del San Jorge y pista polideportiva de Nueva en Llanes
En Llanes, les fuertes raches de vientu causaron esperfectos en Nueva. El vientu arrancó una parte del teyáu de la grada del campu de fútbol Ereba, onde xuega’l San Jorge, y tamién provocaron estrozos na llavandería del club deportivu.
Na pista polideportiva’l vientu tamién llevó dalgunas plaques de plásticu.
© 2025 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | RSS | Sobre RTPA | Entidad adherida a AUTOCONTROL