El 83% de los estudiantes que se gradúen na Universidá d'Uviéu tienen trabayu a los cuatro años

Medicina, Ciencies de la Salú y Enfermería son les estayes con mayor insertamientu llaboral

A los cuatro años d’acabar la carrera, más del 99% de los titulaos en Medicina tán trabayando. Tamién lo tán cuasi'l 93% de los titulaos n'otres Ciencies de la Salú y n'Enfermería. Nel ranking síguen-yos graos del ámbitu técnicu, como Informática, les inxenieríes o les arquitectures.

A lo último, les Humanidaes, con cuatro de cada 10 titulaos trabayando a los cuatro años. Les artes o'l Derechu tán tamién nes últimes posiciones n'empleabilidá, esplica Juan Francisco Canal, profesor d'Economía y coautor del estudiu.

Amás detectóse que tanto Asturies como España, tán per debaxo d’Europa nel desempeñu de les competencies tresversales; como por casu, les dotes comunicatives o la capacidá p’aplicar conocencies en redolaes distintes. Débese a que tradicionalmente recibieron menor atención nos sistemes educativu y llaboral, esplica Fernando Méndez-Navia, director del Grupu Dex.

En comparanza cola redolada nacional, l'índiz d'ocupación nel Principáu ye altu: d'un 83% a los cuatro años de que los titulaos dexen la universidá. Ye un índiz acordies cola riqueza per cápita d'Asturies . Nel primer añu la tasa ye d'un 45%. L'alta movilidá ye otra de les traces de los egresaos asturianos.