Les llicencies pa convertir baxos en viviendes multiplicáronse por cuatro n'Avilés nel últimu añu

La situación del mercáu inmobiliariu ye cada vez más complicada na ciudá avilesina

Atopar un pisu pa vivir n'Avilés volvióse una xera mui complicada asegura Luis González, xerente de la inmobiliaria La Muralla.

La ufierta ye escasa, la demanda alta y, arriendes d'ello, los precios tán disparándose. Xubieron un 15% nel últimu añu y el metru cuadráu nel centru supera los 1.600 euros.

La obra nueva ye bien escasa, l'añu pasáu fueron namás estos edificios. La mayoría tán vendíos y eso que ronden los 300.000 euros. Énte esta situación los baxos-vivienda son una alternativa y les llicencies pidiendo'l cambéu d'usu multiplicáronse por cuatro nel últimu añu afirma Diego Castellano, arquiteutu.

Como exemplu, una de les reformes que ficieron nun local de 160 metros costó unos 80.000 euros. Anque non tolos baxos puen faese vivienda. Na zona centru ta prohibío y nel restu ye obligatorio que cunten con salida de fumu per baxu cubierta y suelos percima de rasante. Un enclín al alza que paez que vieno pa quedar.