Roqueñí defende la coalición progresista n'Asturies y nun se siente desautorizada nel so llabor

L'asuntu más difícil nel mandatu de l'actual conseyera foi la crisis de Coxersa

Nieves Roqueñí ta cerrando la so etapa al mandu de Transición Ecolóxica, Industria y Desenvolvimientu económicu.

Marcha una de les conseyeres más criticaes pola oposición. Tamién hubo diferencies colos socios de gobiernu en materies como comerciu, proyectos enerxéticos o anovable.

Roqueñí fixo una defensa fonda de la coalición progresista y de la capacidá de diálogu con Izquierda Xunida y asegura que nun se sintió nin desautorizada nin atada nel so llabor.

L'asuntu más difícil nel mandatu de l'actual conseyera foi la crisis de Coxersa

Unu d'esos puntos de pelea son los parques de bateríes. Roqueñí afita que PSOE y Izquierda Xunida caltienen una mesma postura. Solo van poder instalase en terrén industrial y son esos casos los que tienen la so tramitación ambiental más avanzada.

L'asuntu más difícil nel mandatu de l'actual conseyera foi la crisis de Coxersa. La contratación d'un seguru pa la planta de fracción-restu complicóse tres la quema, anque la solución paez más cerca.

Sicasí, la depuración de responsabilidaes pol accidente va allargase nel tiempu, mientres el consorciu analiza un cambéu nel modelu de xestión p'adaptase a les nueves obligaciones en materia de tratamientu de residuos. Una pieza más na transición ecolóxica.