El funicular de Bulnes va tar zarráu dende'l 5 de marzu al 6 d'abril

El Principáu va estudiar les demandes vecinales p'ampliar el so horariu de funcionamientu

Les obres que van obligar a suspender el serviciu del funicular de Bulnes dende'l 5 de marzu al 6 d'abril, como contó en Bulnes a los mesmos vecinos la directora xeneral de Tresportes, van incluyir la sustitución de los armarios de mandu y seguridá del remonte en dambes estaciones y vehículos, el reemplazamientu de la unidá de potencia, paneles de control y frenos, y la renovación de los cables de potencia y del sistema de comunicaciones.

La visita tamién sirvió pa treslladar la disposición del Principáu a meyorar les frecuencies y horarios del remonte que los vecinos piden ampliar.

A la renovación del mandu eléctricu del funicular, na que se van invertir 1,6 millones d'euros, va amestase dempués de Selmana Santa la instalación de dos nueves plataformes de carga, una pa vagón, lo que va doblar la capacidá del remonte pal tresporte de mercancíes, lo que va suponer una inversión de 350.000 euros.