IX de Llangréu quier torgar l'actuación de 'El Dandy de Barcelona' nuna discoteca de La Felguera

La formación pide a la sala Sabor qu'ataye l'eventu y nun seya cómpliz d'apoloxía del fascismu

Izquierda Xunida de Llangréu pide la intervención de Delegación de Gobiernu pa torgar l'actuación d'El Dandy de Barcelona nuna discoteca de La Felguera, el próximu 15 de marzu.

La formación, que gobierna nel conceyu, pide amás a la sala Sabor qu'ataye l'eventu y que nun seya cómpliz, afita, d'apoloxía del fascismu.

La última actuación de Claudio Bermejo, 'El Dandy de Barcelona', n'Asturies, la protagonizada en Les Arriondes, ta siendo analizada pola Fiscalía tres presentase una denuncia.