Tolos xulgaos de paz d'Asturies tienen que tar reconvertíos n'oficines de Xusticia pal 30 de xunu

Encarnación Vicente asegura que yá se ta trabayando na reordenación

El 30 de xunu, tolos xulgaos de paz d'Asturies tienen que tar reconvertíos n'oficines de xusticia. Y los xulgaos tradicionales, de los 13 partíos xudiciales unipersonales, en xulgaos d'instancia. Una reorganización que marca la llei y na que se busca ganar eficiencia. Dende'l Principáu aseguren que yá se ta trabayando nesta reordenación que, al so xuiciu, necesita una mínima adaptación asegura Encarnación Vicente, viceconseyera de Xusticia del Principáu.

Más problemática va ser la segunda fase, que tien que tar concluyida a finales d'añu. Nes sedes más grandes, como Uviéu, Xixón o Avilés, va valorase si formen equipos más especializaos nes distintes materies, lo que va suponer una reorganización del personal.

Afiten dende'l Principáu que nun tán previstos retayos, sí reorganizaciones, y refuerzos de personal.