Asturiana de Zinc mengua en 6.000 tonelaes la so producción nel añu 2024

La compañía tuvo que parar la fabricación delles vegaes pa evitar producir en pérdides

Asturiana de Zinc menguó en 6.000 tonelaes la so producción nel añu 2024 polos precios de la electricidá. Azsa nun pudo llegar al so últimu récor de producción y la razón ta, según fontes empresariales, na tarifa eléctrica. Los precios de la electricidá ficieron que la planta tuviere que parar la fabricación de zinc delles veces vegaes pa evitar producir en pérdides.

Hai que recordar qu’AZSA ye’l mayor consumidor d’enerxía d’España nun puntu de suministru. Namás en San Xuan de Nieva necesítase’l 1% de la enerxía eléctrico del país.

La fábrica asturiana esquivó hasta agora facer un parón allargáu de les sos instalaciones polos altos precios de la enerxía, pero nun pasó lo mesmo nes otres plantes del grupu Glencore n’Europa. Nordenham n’Alemaña paró 16 meses ente 2022 y 24 por mor, sobre manera, de la elevada tarifa, y Portovesme, n’Italia caltién parada la so llinia de zinc electrolítico dende 2021.

Nel casu de la planta d’Asturies, xuega al so favor el so gran tamañu. AZSA ye’l segundu productor de zinc del mundu. Na so estratexa de futuru ta ampliar capacidá y facer nueves inversiones pero, según fontes de la compañía, ye un escenariu inviable colos actuales precios de la enerxía.