Piden la reparación de la carretera que xune Paredes con Naraval

La vía ye cada vegada más utilizada pa conectar cola Autovía del Cantábricu

Más de seis años lleven esperando los vecinos d’El Valle Paredes, nel conceyu de Valdés, pol arreglu d’un tramu de carretera de dos kilómetros, que los xune con Naraval, en Tinéu.

La vía ye cada vegada más utilizada pa conectar cola Autovía del Cantábricu, pero los vecinos denuncien que ye cuasi imposible circular per ella ensin que los vehículos acaben estrozaos.

Dende l’Ayuntamientu de Tinéu reconocen el mal estáu d’una carretera que yá tien un presupuestu solicitáu pal so arreglu. La so execución dependerá, alvierten, de l’aprobación del presupuestu municipal.

Anque confíen en que se puea facer esti mesmu añu, en Paredes dicen, nun puen esperar muncho más.

Un tramu que, denuncien, pon en riesgu la propia seguridá de los conductores.