ENCE producirá 580.000 tonelaes de pastia de papel en 2025, la segunda mayor cifra de la so historia

L'alcuerdu acaba col "conflictu de la madera" y pon fin a dellos meses de conflictividá llaboral

La planta d’ENCE en Navia producirá 580.000 tonelaes de pastia de papel en 2025, la segunda mayor cifra de la so historia (namás per detrás de les 610.000 de 2023).

Ye l’alcuerdu algamáu por comité y empresa qu’acaba col llamáu "conflictu de la madera" y que pon fin a dellos meses de conflictividá llaboral.

Les dos partes roblaben esta mañana’l documentu que da rempuesta a les demandes de los trabayadores: afitar una producción mínima añal y una meyora na xestión forestal qu’asegure una entrada regular de madera a la fábrica.