El Foru de Trabayu de la Universidá d'Uviéu xuntará a más d'un centenar d'empreses los díes 12 y 13 de marzu vinientes en Xixón

La institución anima a participar a los estudiantes de primeros cursos

El Foru de Trabayu de la Universidá d’Uviéu xuntará a más d’un centenar d’empreses los díes 12 y 13 de marzu vinientes en Xixón. Hai enagora 149 ufiertes, tanto llaborales como de práctiques. La institución recuerda que tamién se darán talleres de formación y anima a dir, tamién, a los estudiantes de primeros cursos.

En total, dirán 102 empreses, 25 más que l’añu anterior, sobre manera d’inxeniería, con 53 compañíes presentes, dalgunes yá veteranes nesti foru, como ArcelorMittal y Axalta.

La rama d’Artes y Humanidaes sedrá la que cunte con menor participación, namás con cinco empreses.

Dende la universidá, animen a que l’alumnáu de primeros cursos vaya a esti alcuentru pa que vayan enfocando’l so perfil los años vinientes.

El vixésimu segundu foru de trabayu celebraráse’l llunes y martes viniente nel recintu ferial Luis Adaro de Xixón.