Los productos del gochu encarécense hasta un 10%

Los espositores de la feria aseguren que la medría de la propia materia prima o les esportaciones impiden axustar más los precios

Ente 10 y 12 euros costó’l kilo de tocín de gochu. Unes cifres que medraron nel últimu añu al rodiu del 10%. En xeneral los productos del gochu encareciéronse, sobre manera pola medría del costu de la materia prima o de los elementos necesarios pa la so ellaboración, como’l pimentón. Pero tamién inxerta la esportación. Cada vegada se venden más al estranxeru chorizos, tocín o morros, sobre manera a países como China señalen Jeffry Pérez, Mari Carmen Sánchez y Gladis López.

Precios más altos que nun impedieron que s’averaren decenes de persones a A Veiga a la feria de los productos del gochu, una cita que nació va 10 años y que cada vegada ta más afitada. Veceros y veceres que quixeron comprar calidá, a pesar d’esos precios más altos apunta Rafael Fernández.

Una cita pa emponderar productos que cada vegada cunten con más demanda.