Alvierten de les sanciones que trai l'usu turísticu de los horros

Principáu alvierte de qu'estes edificaciones nun cumplen la normativa d'habitabilidá

L'Asociación del Horru Asturianu alvierte a los propietarios d'estes edificaciones de que nun puen, anguaño, da-yos usu como vivienda turística a pesar de que delles plataformes d'arriendu, ufiértenles. Alvierte de qu'esti tipu de práctiques traen sanciones por parte de Patrimoniu.

Entá nun ta aprobada la definición d'usos alternativos dientro del Plan del Horru. Nuevos usos que tendrán de siguir unes directrices precises y poner d'alcuerdu a alministraciones, particulares y Colexu d'Arquiteutos.

Dende'l Principáu defenden qu'una forma de protección del horru ye da-yos usu, ente ellos el turísticu, lo que nun se contempla ye'l so usu como vivienda porque los horros nun cumplen la normativa d’habitabilidá.