L'aparcamientu perdíu pola reurbanización de l'avenida de Galicia reasítiase na cai López Otín

Vecinos y hosteleros aprueben el diseñu de la cai, con ceres más anches y terraces alloñaes de les fachaes

Les places d'aparcamientu que se van suprimir nel proyectu de reurbanización de l’avenida de Galicia d'Uviéu yá se redistribuyeron en places en batería a lo llargo de la cai López Otín. Ye l'empiezu d'unos trabayos qu'a partir d'esta selmana van siguir cola renovación del colector.

El proyectu quier dar a l'avenida de Galicia un aspeutu de bulevar. Van caltenese les cuatro carriles de circulación y va instalase una mediana axardinada. Al suprimir les places d'aparcamientu, les ceres van ganar más anchor.

Vecinos y hosteleros aprueben el nuevu diseñu de la cai. Les terraces hosteleres tamién se van ver afectaes. Van tar más apartaes de les fachaes pa desaniciar el llamáu "efectu tubu".

Les obres, con un costu d'un millón d'euros, tienen un plazu d'execución de seis meses. La intención del Conceyu ye que tean acabaes enantes de San Mateo.