La nueva normativa veterinaria xenera retrasos en los diagnósticos y la prescripción de medicamentos

Profesionales y propietarios amuesen la so esmolición pola norma dende la Feria del Perru en Tinéu

Los veterinarios tiénenlo claro, la nueva normativa llenda’l so criteriu profesional y provoca retrasos a la hora d’alministrar el medicamentu más afayadizu a los animales de compañía, poniendo en riesgu la salú de los animales.

Escesiva carga burocrática y costos inasumibles pa los propietarios poles pruebes necesaries p’alministrar dellos tratamientos son otros de los aspectos que destaquen d’una norma que tamién esmolez a los dueños de los animales de compañía.

La Feria del Perru de Tinéu axuntó nel recintu ferial Santa Teresa a un bon númberu de profesionales y aficionaos. Hasta 80 exemplares taben inxertos nel concursu pa perros con pedigrí qu’entama la Sociedá Canina del Principáu.

L’eventu, que cumple 30 años, afitóse como referente y puntu de alcuentru pa los amantes del mundu canín.