Solo'l 8% de la población consultó'l portal de Tresparencia en seis años

Cúmplense los mínimos, pero'l modelu ta paráu en conteníu y continente

El Portal de Tresparencia del Gobiernu del Principáu recibió l'añu pasáu daqué más de 350.000 visites. Ye un 50% más qu'en 2019, el so primer añu en funcionamientu. Con too, tuvo 79.500 usuarios. Supón un 22% más que va seis años, pero representa menos del 8% de la población asturiana.

Los temes más consultaos tienen que ver con empléu y col gastu del dineru público, según la Conseyería de Derechos Ciudadanos. L'investigador d’Open Data de la Universidá d'Uviéu, Jesús García-García, cree que la Llei de Tresparencia aprobada en 2018 cúmplese, pero a mínimos.

La llei de tresparencia cumple pero nos mínimos. Según Jesús García, el Principáu namás ufiertar información por cachos y descontestualizada.

Hai faltes na presentación nos datos de más interés pa los ciudadanos, como les contrataciones públiques, les llistes d'espera sanitaries o'l presupuestu. Too ye demasiao complicao. Esto inflúi nel númberu d'usuarios y nel so perfil.

García defende les redes sociales como mediu d'espardimientu d'información clara y rigurosa, y apuesta por sistemes que dexen l'encruz de fontes, pa superar el desdexamientu nel que cree que se cayó col tiempu.