Tapia yá tien más cerca una de les grandes demandes de los sos vecinos, un nuevu centru de salú

Acaba d'axudicase la obra pa la nueva dotación, que sedrá tres vegaes más grande que la d'anguaño

L’actual centru de salú de Tapia lleva años resultando insuficiente pa dar serviciu a la población del conceyu, que se triplica pel branu. Ta asitiáu nos baxos d’unes viviendes, nun llugar con mui pocu espaciu pa les consultes y ensin aparcaderu. La redacción del proyectu del nuevu edificiu acaba d’axudicase por cuasi 200.000 euros.

La idea ye qu’ocupe cuasi 1.800 metros cuadraos qu’agospiarán un área alministrativa p’atender a los pacientes, les nueves consultes de medicina y enfermería de familia, una nueva sala de ñácaros, una d’estracciones y nueves consultes de psicoloxía o de salú bucodental. Tamién se inxertará nel edificiu la unidá de fisioterapia, qu’agora ta n’otru puntu de la villa.

Los vecinos esperen con ganes la nueva dotación.

El costu de la obra superará los cinco millones d’euros.