Empieza la primer costera del bocarte

La primer xarda va llegar a los cais asturianos a finales d'esta selmana

Esti llunes entamaba la costera del bocarte. Asturies cunta con cuatro barcos: de Bañugues, Lluanco, Llastres y L.luarca.

Caltiénense los cupos d'ente los 8.000 y los 10.000 quilos por barcu y día, porque nun foi a más, pel momentu, el planteamientu de les flotes de Cantabria y País Vascu: distribuyir la cuota por organizadores de productores, daqué paecío a repartilo per comunidaes.

Hai previsión de qu'a final de selmana llegue a los cais asturianos la primer xarda de la temporada, esplica Ángel Muñoz, director xerente de la Sociedá Nueva Rula d'Avilés.

Lo que sí hai ye gran cantidá de merluza de volanta, esto abarató'l so preciu nes pescaderíes. Esti llunes ruláronse n'Avilés 30.000 quilos.