Vecinos de Navelgas concéntrense pa denunciar los abondos ataques de llobu nes últimes selmanes

URA cree que'l Principáu nun ta treslladando al Ministeriu la problemática real que se vive n'Asturies col llobu

Más d’un centenar de persones concentráronse esti mediudía nel pueblu de Navelgas, en Tinéu, pa pidir midíes urxentes ente los ataques del llobu, con hasta 30 oveyes y 6 potros afectaos na zona nes últimes selmanes. Dellos de los ataques, amás, rexistráronse en plenu pueblu, al llau del colexu o’l centru de salú.

Dende’l sindicatu URA creen que’l Principáu nun ta treslladando al Ministeriu la problemática real que se vive n’Asturies col llobu y entrúguense qué más tien que pasar pa que se tomen midíes efectives.